Dissociative Identity Disorder (DID)

 Mutum ne ka san shi, ka saba da shi har halayyarsa ka naƙalta, kwatam sai ka ga ya sauya murya, halayyarsa ma sun sauya, kana masa magana zai iya cewa bai ma san ka ba. Amma fa gangar jikin abokinka ne, sai dai ba shi ba ne a ciki! To fa! Ta yaya hakan zai yiwu? 

Ƙwarai hakan na faruwa, kuma ba aikin aljanu ba ne, lalura ce da ake kira da Dissociative Identity Disorder (DID). Lalura ce da ke haifar da sabbin halaye, ɗabi'u da yanayi ga wanda ke da ita.

Mai wannan lalura duk lokacin da ta tashi zai iya canza salonsa, ɗabi'arsa har yanayin maganarsa da kuma sunansa, kamar dai mai taɓin aljanu. Zai iya cewa sunansa Ali Nuhu bayan minti 5 ya ce maka a'a shi Adam A. Zango ne.

Allah ya sa ka taɓa kallon film ɗin da Algaita ta fassara da suna "Maisuburbuɗa”, to wancan shirin film ne amma a gaske akwai masu irin lalurar! 

Akwai wani Ba'amurke Billy Milligan, an cafke shi a shekarun 1970s da zargin aikata laifuka ciki har da fashi da makami, da fyaɗe. Amma daga baya aka gano ba shi kaɗai ba ne a jikin nasa! Yana ɗauke da wasu mutane, wasu halaye, wasu tunani, wasu karin harshe da sunayensu har guda 24 ciki har da wata mai suna Adalana wacce ƴar maɗigo ce, kuma ita ce wacce ta aikata fyaɗen da ake zargin Milligan!

Case ne da ya shahara har aka yi fina-finai ta dalilinsa, ciki har da Netflix series mai suna Monsters Inside: The 24 faces of Billy Milligan, Apple TV+ Series The Crowded Room, da kuma documentaries da littafai, ciki akwai littafin Daniel Keyes, The Minds of Billy Milligan. 

Wani abu game da masu lalurar (DID) ita ce:

 A ba lallai ya san akwai B ba, haka B ba ta san da A ba.

Kowa da tunaninsa da abin da yake tunawa, kowa kuma da salonsa ko ɗabi'arsa. 

To me ke jawo Dissociative Identity Disorder? 

Faruwar wani abu a rayuwarka da ya kiɗima ka ko ya gigita ka, ko tsangwama da takura, ko damuwa musamman lokacin ƙuruciya kan iya haifar da wannan lalura.

STRIDHAN

 Al'adar Indiyawa ta ba wa dangin miji sadaki yayin aurenta mai dogon zango ce, sai dai ita al'adar an gurɓata ta a yanzu. 

Stridhan a da kudi ne ko wani abu mai daraja kamar fili ko kadara da dangin amarya ke haɗa wa amarya domin tsaronta. 

Kyauta ce da amarya ke samu daga ahalinta koda wani abu ya same ta na ujila ko saki ko ma mutuwar mijinta. 

Saɓanin da can yanzu al'amarin ya juye ya dawo abu da ya zama dole daga dangin amarya, kuma miji ake ba wa stridhan, sai kuma abin da ya so za a ba shi.

Duk da dokar haramta tambaya, bayarwa ko karɓar sadaki ta 1961 har yau ana ci gaba da yin sa a al'adance, dokar ta kasance a takardu ne kaɗai domin ba a hukunta kowa.

Indiya na daga cikin ƙasashe da ke da manyan alƙaluma a mata masu kashe kansu a duniya, inda a 2021 NCRB ta fitar da alƙaluma cewa kimanin mata 23,178 ne suka halaka kansu, duk da hukumar ba ta fito kai-tsaye ta ce saboda sadaki ba ne, ta alaƙanta sababin hakan da matsalolin aure da sadaki.

Haka kuma Indiya ta ciri tuta a ɓangaren yawan ƴan mata masu zaman kansu, inda a nan ma aka ce alƙalumanta sun kai ko zarta miliyan 3.

Tuni dai akwai ƙungiyoyi da ke faɗa da wannan al'ada a faɗin Indiya amma mutane na ganin ƙin biyan sadaki tamkar nuna gazawa ce a tarihin ahalinsu kuma abin gorintawa.💑

YADDA ZA KA BA WA SYSTEM ƊINKA UMARNI TA ƊAUKE TA HANYAR RUBUTU A CMD

Ta yiwu kana so ka taƙaita lokaci da kake ɗauka a computer, ko za ka ba wa yara su ɗan yi wasa ko kallo, kana iya amfani da wannan hanyar don gaya wa computer "Idan lokaci kaza ya yi ki ɗauke" da zarar lokacin ya cika za ta ɗauke da kanta. 

To ga dai hanyar:

Ka danna Windows key + R

Zai nuno maka search bar sai ka rubuta CMD sai ka danna Enter.

A cikin CMD sai ka rubuta: shutdown /s /f /t 0

Idan ka rubuta haka sannan ka danna Enter nan take system ɗinka za ta mutu. 

Idan kana so ka saita lokaci, misali minti ɗaya sai ka rubuta shutdown /s /f /t 60, idan hour ɗaya ne sai ka canja /t 60 zuwa /t 3600, hour ɗaya na yi za ta ɗauke kanta. 

Bonuses:

Bayan ka ba ta umarni sai ka canja ra'ayi ka koma CMD ka rubuta: shutdown /a ka danna Enter, shi ke nan ka kashe umarnin da ka ba ta na farko.

CMD (Command Prompt)

/S → (Shutdown)

/F → ( Force)

/T → ( Time)

Lambobin da ke zuwa bayan /t (Time) seconds ne, idan kana so ka ce wa system ɗinka ta ɗauke bayan minti ɗaya /t 60 za ka rubuta, sannan akwai tazara (gaph) tsakanin /t da seconds ɗin da kake so ka rubuta.

KIRISTOCI

 Tsabar rashin kunya wai nasara ne zai yi tuhuma kan auren ƴar shekara 6! 

- Ya manta lalatar da Bible ya ruwaito David ya aikata da Bathsheba (matar wani).

- A baibulance Solomon ɗan zina ne fa!

A ganina bai ma kamata a rinƙa alaƙanta David da Solomon da Bible ya kawo da Annabi Dawud da Sulaiman da Alƙur'ani ya kawo ba.

Ni mutane mamaki suke ba ni, ku sani komai yana canjawa da zamani, a da babu maganar under 18 fa, idan mace ta kai 18 a gida sai an ringa ganin ta tamkar mujiya!

 

Ku je ku duba ƴar shekara nawa ce Mary lokacin da ta yi aure?

A shekara nawa David ya auri Michal (matarsa ta farko)

Sannan ko Tamar a kintace ya auri Er da Onan ne ana maganar suna shekara ta 7 ko 8.

Animal Farm

 Old Major,  shi ne wanda ya kunna wuta cewa lallai dabbobi sai sun sami yancinsu, ta hanyar yin juyin-juya-hali(Rebellion). Kuma sun cim ma hakan ta hanyar hada kai, wanda suka kira da "Animalism" . Wannan darasi ne

 Wanda ya jagoranci tabbatar da ganin wannan independence shi ne Snowball, shugaba ne jajirtacce, himma, ilimi da basira; wanda a kullum yake bude kofa ga talakawansa domin su bayar da gudummawarsu a gwamnati domin a gudu tare a tsira tare. A don haka akwai commandment guda 7 da suka kirkira wanda daga ciki akwai cewa "All Animals are Equal".

 A iya jagorancin da Comrade Snowball ya yi, an sami cigaba da yalwatar arziki.

 Kwatsam sai Napoleon ya yi masa juyin mulki, kuma daga nan gizo ya fara sakar!

 Animal Farm littafi ne da ya fede biri har wutsiyarsa game da yadda siyasar duniya take. Rashin adalci, bi-ta-da-kulli, romon baka; ga kuma uwa-uba yadda yan siyasa ke amfani da bambancin halitta ko yare don cim ma kudirinsu.

Ji nake tamkar George Orwell, a littafin Animal Farm, halin da Najeriya ke ciki yake bayyanawa a kaikaice.