Animal Farm

 Old Major,  shi ne wanda ya kunna wuta cewa lallai dabbobi sai sun sami yancinsu, ta hanyar yin juyin-juya-hali(Rebellion). Kuma sun cim ma hakan ta hanyar hada kai, wanda suka kira da "Animalism" . Wannan darasi ne

 Wanda ya jagoranci tabbatar da ganin wannan independence shi ne Snowball, shugaba ne jajirtacce, himma, ilimi da basira; wanda a kullum yake bude kofa ga talakawansa domin su bayar da gudummawarsu a gwamnati domin a gudu tare a tsira tare. A don haka akwai commandment guda 7 da suka kirkira wanda daga ciki akwai cewa "All Animals are Equal".

 A iya jagorancin da Comrade Snowball ya yi, an sami cigaba da yalwatar arziki.

 Kwatsam sai Napoleon ya yi masa juyin mulki, kuma daga nan gizo ya fara sakar!

 Animal Farm littafi ne da ya fede biri har wutsiyarsa game da yadda siyasar duniya take. Rashin adalci, bi-ta-da-kulli, romon baka; ga kuma uwa-uba yadda yan siyasa ke amfani da bambancin halitta ko yare don cim ma kudirinsu.

Ji nake tamkar George Orwell, a littafin Animal Farm, halin da Najeriya ke ciki yake bayyanawa a kaikaice.

LOKACI

"Lokaci kuɗi ne" cewar Hausawa, tabbas lokaci ya ma zarta kuɗi, sai dai rayuwa. 

 Daga cikin ababen da ake amfani da su a yau mafiya shahara wajen auna lokaci (wanda kowa ya sani) akwai agogo. 

Sai dai ba kowa ba ne ya san inda aka bi ko yadda aka yi har aka samar da shi, yana ganin lambobi dai. Misali: daga 1 zuwa 12, (zaɓi ne) kuma ya iya karatu saboda haka yana iya faɗin abin da agogo ya gaya masa.

  Masu binciken ƙwaƙwaf sun gano duniya na juyawa a shatinta (axis) sau 1 duk bayan awa 24, wanda wannan shi ne kwana guda a gare mu. Hakanan kuma, duniyarmu na kewaye ƙwallon rana sau 1 cikin kwanaki 365.25

 A cikin awa 24 rana kan zo tsakar duniyarmu sau 1, wanda da wannan ne aka samu ma'aunin AM da PM. 

Misali: Idan agogo ya nuna 9:30 na dare (PM), yana nufin rana ta wuce tsakar duniya da 9:30. Haka idan ta safiya ce (AM) yana nufin 9:30 ke nan gabanin rana ta zo tsaka. 

Tambayar shi ne, yanzu da duniyarmu da kuma rana ba sa motsawa da yiwuwar a sa mu lokaci?

DUWATSUN ƘARFE

'Tama', kuza' (a Turance kuma 'ore', plural 'ores') wasu duwatsu ne waɗanda ake samo ƙarfe, baƙin ƙarfe, jan ƙarfe, zinari, da lu'u-lu'u. 

 

 - A nau'o'in ƙarfe akwai waɗanda mayen ƙarfe ke iya kama su, akwai kuma waɗanda ba ya kama su. 

 - Sai dai, waɗanda mayen ƙarfe ke kamawa yau da kullum, iska da ruwa na sa wa su yi tsatsa. 

 - Waɗancan nau'in da ba sa kama mayen ƙarfe kuma ba sa yin tsatsa komi daɗewa, su ne irin su aluminum (holoƙo, sanholo), kwano, jan ƙarfe, tagulla, azurfa, zinari, da sauransu. 

 Kowanne irin ƙarfe yana da irin nasa aikin ko amfani, wani riƙe zafi ko sanyi yake, wani lantarki yake riƙewa, wani kuma ƙarfi gare shi da za a iya dukan wani abu da shi. 

  Najeriya muna da irin waɗannan nau'in duwatsu, kamar su: Enugu, Bauchi, Nasarawa, Kogi, Plateau, Kano, Kwara, Abia, Anambra, Cross-River, Ebonyi, Benue. 

 Mu sani nau'o'in ore kala-kala ne, kuma kowanne da abin da  ya ƙunsa.